بے جا نوازشات کا بار گراں نہیں

بے جا نوازشات کا بار گراں نہیں

میں خوش ہوں اس لیے کہ کوئی مہرباں نہیں

آغوش حادثات میں پائی ہے پرورش

جو برق پھونک دے وہ مرا آشیاں نہیں

کیوں ہنس رہے ہیں راہ کی دشواریوں پہ لوگ

ہوں بے وطن ضرور مگر بے نشاں نہیں

گھبرائیے نہ گردش ایام سے ہنوز

ترتیب فصل گل ہے یہ دور خزاں نہیں

کچھ برق سوز تنکے مجھے چاہئیں شکیبؔ

جھک جائیں گل کے بار سے وہ ڈالیاں نہیں

be ja nawazshat ka bar-e-giran nahin

main khush hun is liye ke koi mehrban nahin

aghosh-e-hadsat mein pai hai parwarish

jo barq phunk de wo mira ashiyan nahin

kyun hans rahe hain rah ki dushwariyon pe log

hun be watan zarur magar be nishan nahin

ghabraiye na gardish-e-ayyam se hanoz

tartib-e-fasl-e-gul hai ye daur-e-khizan nahin

kuchh barq-e-soz-e-tinke mujhe chahiyen shakeb

jhuk jaen gul ke bar se wo daliyan nahin