بے تاب پاس شمع کے پروانہ آ گیا

بے تاب پاس شمع کے پروانہ آ گیا

کیا بات ہے کہ ہوش میں دیوانہ آ گیا

ساقی کی بارگاہ میں توبہ ہوئی قبول

خود ڈھونڈھتا ہوا مجھے مے خانہ آ گیا

سجدوں کا میرے ناز اٹھانے کے واسطے

کعبے کے سامنے در جانانہ آ گیا

دامن کو میرے دیکھ کے حسرت کے ہاتھ میں

یاد ان کو اپنا لطف کریمانہ آ گیا

مجھ کو مرے سوال پہ بخشا ہے دو جہاں

اب اعتبار طرز فقیرانہ آ گیا

تھی شیخ و برہمن کی مے و انگبیں پہ بحث

اتنے میں بڑھ کے کیفیؔ دیوانہ آ گیا

be tab pas shama ke parwana a gaya

kya bat hai ke hosh mein diwana a gaya

saqi ki bargah mein tauba hui qubul

khud dhundhta hua mujhe mai khana a gaya

sajdon ka mere naz uthane ke waste

kaabe ke samne dar-e-janana a gaya

daman ko mere dekh ke hasrat ke hath mein

yad un ko apna lutf karimana a gaya

mujh ko mire sawal pe bakhsha hai do jahan

ab etibar tarz-e-faqirana a gaya

thi shaikh-o-barahman ki mai-o-angbin pe bahs

itne mein barh ke kaifi-e-diwana a gaya