بے دلوں کی آبرو رہ جائے گی

بے دلوں کی آبرو رہ جائے گی

دل نہ ہوگا آرزو رہ جائے گی

طاقت دیدار کتنی ہی سہی

پھر بھی تیرے روبرو رہ جائے گی

ڈھونڈنے والا ہی خود کھو جائے گا

جستجو ہی جستجو رہ جائے گی

خون دل کو کچھ اگر توفیق ہو

چشم تر کی آبرو رہ جائے گی

بے محابا اس کو اے ناطقؔ نہ دیکھ

آرزوئے گفتگو رہ جائے گی

be dilon ki abru rah jaegi

dil na hoga arzu rah jaegi

taqat-e-didar kitni hi sahi

phir bhi tere rubaru rah jaegi

dhundne wala hi khud kho jaega

justuju hi justuju rah jaegi

khun-e-dil ko kuchh agar taufiq ho

chashm-e-tar ki abru rah jaegi

be muhaba us ko ai natiq na dekh

arzu-e-guftugu rah jaegi