بے وقت جو گھر سے وہ مسیحا نکل آیا

بے وقت جو گھر سے وہ مسیحا نکل آیا

گھبرا کے مرے منہ سے کلیجہ نکل آیا

مدفون ہوا زیر زمیں کیا کوئی وحشی

کیوں خاک سے گھبرا کے بگولا نکل آیا

آئینہ میں منہ دیکھ کے مغرور ہوئے آپ

دو شکلوں سے کیسا یہ نتیجہ نکل آیا

زخمی جو کیا تم نے کھلے عشق کے اسرار

جو کچھ کہ مرے دل میں نہاں تھا نکل آیا

ٹھکرانے لگے دل کو تو برپا ہوئے طوفاں

قطرہ جو ہٹانے لگے دریا نکل آیا

اب رک نہیں سکتی ہے منیرؔ آہ جگر سوز

دم گھٹنے لگا منہ سے کلیجہ نکل آیا

be waqt jo ghar se wo masiha nikal aya

ghabra ke mire munh se kaleja nikal aya

madfon hua zer-e-zamin kya koi wahshi

kyun khak se ghabra ke bagula nikal aya

aina mein munh dekh ke maghrur hue ap

do shaklon se kaisa ye natija nikal aya

zakhmi jo kiya tum ne khule ishq ke asrar

jo kuchh ke mire dil mein nihan tha nikal aya

thukrane lage dil ko to barpa hue tufan

qatra jo hatane lage dariya nikal aya

ab ruk nahin sakti hai munir ah-e-jigar soz

dam ghatne laga munh se kaleja nikal aya