بے قراروں کو کب قرار آیا

بے قراروں کو کب قرار آیا

موت بھی آئی پر نہ یار آیا

جب ہوا جسم خاک یار آیا

گرد اٹھی تو شہسوار آیا

لٹ گیا کاروان صبر و قرار

قاصد اشک اشک بار آیا

خس سے جیسے چراغ جلتا ہے

داغ کے کام جسم زار آیا

گر کوئی خاکسار خاک ہوا

خاک اڑانے مرا غبار آیا

کاسۂ چرخ واژگوں ہی رہا

جا کے مجھ سا نہ بادہ خوار آیا

زلف سے سیر روئے رنگیں کی

دام میں موسم بہار آیا

لوٹیے مثل ماہیٔ بے آب

کہ سر تیغ آب دار آیا

اس نے سو بار حال پوچھا عرشؔ

شکوہ لب پر نہ ایک بار آیا

be qararon ko kab qarar aya

maut bhi ai par na yar aya

jab hua jism khak yar aya

gard uthi to shahsawar aya

lut gaya karwan-e-sabr-o-qarar

qasid-e-ashk ashk bar aya

khas se jaise charagh jalta hai

dagh ke kam jism-e-zar aya

gar koi khaksar khak hua

khak urane mira ghubar aya

kasa-e-charkh-e-wazhgon hi raha

ja ke mujh sa na bada khwar aya

zulf se sair ru-e-rangin ki

dam mein mausam-e-bahar aya

lautiye misl-e-mahi-e-be ab

ke sar-e-tegh-e-ab dar aya

us ne sau bar hal puchha arsh

shikwa lab par na ek bar aya