بے کسانہ جی گرفتاری سے شیون میں رہا

بے کسانہ جی گرفتاری سے شیون میں رہا

اک دل غم خوار رکھتے تھے سو گلشن میں رہا

پنجۂ گل کی طرح دیوانگی میں ہاتھ کو

گر نکالا میں گریباں سے تو دامن میں رہا

شمع ساں جلتے رہے لیکن نہ توڑا یار سے

رشتۂ الفت تمامی عمر گردن میں رہا

ڈر سے اس شمشیر زن کے جوہر آئینہ ساں

سر سے لے کر پاؤں تک میں غرق آہن میں رہا

ہم نہ کہتے تھے کہ مت دیر و حرم کی راہ چل

اب یہ دعویٰ حشر تک شیخ و برہمن میں رہا

درپئے دل ہی رہے اس چہرے کے خال سیاہ

ڈر ہمیں ان چونٹوں کا روز روشن میں رہا

آہ کس انداز سے گزرا بیاباں سے کہ میرؔ

جی ہر اک نخچیر کا اس صید افگن میں رہا

be kasana ji giraftari se shewan mein raha

ik dil-e-gham khwar rakhte the so gulshan mein raha

panja-e-gul ki tarah diwangi mein hath ko

gar nikala mein gareban se to daman mein raha

shama san jalte rahe lekin na tora yar se

rishta-e-ulfat tamami umr gardan mein raha

dar se is shamshir zan ke jauhar-e-aina san

sar se le kar paon tak main gharq-e-ahan mein raha

ham na kahte the ke mat dair-o-haram ki rah chal

ab ye daawa hashr tak shaikh-o-barahman mein raha

darpae dil hi rahe is chehre ke khal-e-siyah

dar hamen in chunton ka roz-e-raushan mein raha

ah kis andaz se guzra bayaban se ke mir

ji har ik nakhchir ka is said afgan mein raha