بے وجہ نہیں گرد پریشاں پس محفل

بے وجہ نہیں گرد پریشاں پس محفل

آتا ہے کوئی بے سر و ساماں پس محفل

از بس کشش عشق سے آگاہ تھی لیلیٰ

تھی دیکھتی وہ فتنۂ دوراں پس محفل

کس سوختہ کی خاک سے اٹھا ہے بگولا

اک شعلۂ جوالہ ہے پیچاں پس محفل

فکر قدم ناقہ ہوا قیس کو پیدا

دیکھا جو ہیں صحرائے مغیلاں پس محفل

اے ناقہ کش اتنی بھی نہ تو تیز روی کر

مجنوں ز خود و رفتہ ہے نالاں پس محفل

شاید میں اسے دیکھوں ہوسؔ با لب خنداں

جاتا ہوں اس امید پہ گریاں پس محفل

be wajh nahin gard-e-pareshan pas-e-mahfil

ata hai koi be sar-o-saman pas-e-mahfil

az bas kashish-e-ishq se agah thi laila

thi dekhti wo fitna-e-dauran pas-e-mahfil

kis sokhta ki khak se utha hai bagula

ik shola-e-jawwala hai pechan pas-e-mahfil

fikr-e-qadam naqa hua qais ko paida

dekha jo hain sahra-e-mughilan pas-e-mahfil

ai naqa kash itni bhi na to tez rawi kar

majnun ze khud-o-rafta hai nalan pas-e-mahfil

shayad main use dekhun hawas ba lab khandan

jata hun is ummid pe giryan pas-e-mahfil