بے وفا گو ملے نہ تو مجھ کو

بے وفا گو ملے نہ تو مجھ کو

بس ہے تیری یہ آرزو مجھ کو

گردش چرخ سے نہیں پردا

سر پہ چہیے وہ خاک کو مجھ کو

زاہدا ہے مری نماز نیاز

خون دل رونا ہے وضو مجھ کو

ناصحا جا کہ ذکر عشق سوا

خوش نہیں آتی گفتگو مجھ کو

بن رہا ہوں میں عشق کا مظلوم

نہ ستا اے رقیب تو مجھ کو

تجھ سے چاہوں ہوں ناز برداری

ہو گئی کچھ تری سی خو مجھ کو

صحبت غیر سے ہوا مکروہ

بیٹھنا تیرے روبرو مجھ کو

تجھ سے محروم یوں رہوں صد حیف

کیا کیا دل میں تھیں آرزو مجھ کو

یار ہرجائی نے کیا حسرتؔ

در بدر اور کو بہ کو مجھ کو

be wafa go mile na to mujh ko

bas hai teri ye arzu mujh ko

gardish-e-charkh se nahin parda

sar pe chaye wo khak ko mujh ko

zahda hai miri namaz-e-niyaz

khun-e-dil rona hai wuzu mujh ko

nasha ja ke zikr-e-ishq siwa

khush nahin ati guftugu mujh ko

ban raha hun main ishq ka mazlum

na sata ai raqib to mujh ko

tujh se chahun hun naz bardari

ho gai kuchh tiri si khu mujh ko

sohbat-e-ghair se hua makruh

baithna tere rubaru mujh ko

tujh se mahrum yun rahun sad haif

kya kya dil mein thin arzu mujh ko

yar harjai ne kiya hasrat

dar badar aur ku ba ku mujh ko