بے دیے لے اڑا کبوتر خط

بے دیے لے اڑا کبوتر خط

یوں پہنچتا ہے اوپر اوپر خط

پرزے پرزے ہوا سراسر خط

ایک خط کے بنے بہتر خط

قتل ہوتے ہیں نامہ بر ہر روز

لاش پر لاش اور خط پر خط

روز اک نامہ بر کہاں سے آئے

یوں ہی رکھ چھوڑتا ہوں لکھ کر خط

کیا قلم نے شرر فشانی کی

پھلجڑی بن گیا مرا ہر خط

چار ہیں گے کل ان کے ہم سایے

لکھ کے دے آئے آج ہم سر خط

جو کہ لیتے نہیں ہیں میرا نام

وہ لکھیں گے مجھے مقرر خط

کس طرح سر نوشت کو بدلوں

خط میں مل جائے غیر کے گر خط

پڑھ تو لیں گے وہ نامہ میرا بھی

آتے رہتے ہیں اس کے اکثر خط

دیکھ کر نام پھینک دیں گے ضرور

پھر نہ لیں گے کبھی مکرر خط

ڈاک گھر میں ٹکٹ نہیں باقی

ناظمؔ اتنے گئے ہیں خط پر خط

be diye le ura kabutar khat

yun pahunchta hai aupr upar khat

purze purze hua sarasar khat

ek khat ke bane behtar khat

qatl hote hain nama bar har roz

lash par lash aur khat par khat

roz ik nama bar kahan se ae

yun hi rakh chhorta hun likh kar khat

kya qalam ne sharar fishani ki

phaljuri ban gaya mira har khat

char hain ge kal un ke ham saye

likh ke de ae aj ham sar khat

jo ke lete nahin hain mera nam

wo likhenge mujhe muqarrar khat

kis tarah sar nawisht ko badlun

khat mein mil jae ghair ke gar khat

parh to lenge wo nama mera bhi

ate rahte hain us ke aksar khat

dekh kar nam phenk denge zarur

phir na lenge kabhi mukarrar khat

dak ghar mein tikat nahin baqi

nazim itne gae hain khat par khat