بے سبب ہاتھ کٹاری کو لگانا کیا تھا

بے سبب ہاتھ کٹاری کو لگانا کیا تھا

قتل عشاق پہ بیڑا یہ اٹھانا کیا تھا

سر پہ اپنے تو نہ لے خون اب اک عالم کا

فندق ہائے نگاریں کو دکھانا کیا تھا

سر بلندی کو یہاں دل نے نہ چاہا منعم

ورنہ یہ خیمۂ افلاک پرانا کیا تھا

اس لئے چین جبیں موج رہے ہے ہر دم

اے حباب لب جو آنکھ چرانا کیا تھا

ساقیا اپنی بلا سے جو گھٹا اٹھی ہے

دے کے اک جرعۂ مے دل کو گھٹانا کیا تھا

سرزمیں زلف کی جاگیر میں تھی اس دل کی

ورنہ اک دام کا پھر اس میں ٹھکانا کیا تھا

کہہ غزل دوسری اس بحر میں ایک اور نصیرؔ

یک قلم لکھنے سے اب ہاتھ اٹھانا کیا تھا

be sabab hath katari ko lagana kya tha

qatl-e-ushshaq pe bera ye uthana kya tha

sar pe apne to na le khun ab ik alam ka

fundaq ha-e-nigaren ko dikhana kya tha

sar bulandi ko yahan dil ne na chaha munam

warna ye khema-e-aflak purana kya tha

is liye chain-e-jabin mauj rahe hai har dam

ai habab-e-lab jo ankh churana kya tha

saqiya apni bala se jo ghata uthi hai

de ke ik jura-e-mai dil ko ghatana kya tha

sarzamin zulf ki jagir mein thi is dil ki

warna ik dam ka phir is mein thikana kya tha

kah ghazal dusri is bahr mein ek aur nasir

yak qalam likhne se ab hath uthana kya tha