بھاتی ہیں دل کو پیارے ناز و ادائیں تیری

بھاتی ہیں دل کو پیارے ناز و ادائیں تیری

دل میں یہ آرزو ہے لے لوں بلائیں تیری

اک پل پلک اٹھا کر دیکھو بہ نظر رحمت

اسرار گنج مخفی آنکھیں لبھائیں تیری

زلف سیہ کے بل میں عالم تو مبتلا ہے

عاشق بھلا یہ کس کو باتیں سنائیں تیری

دیدار حق نما ہے پیارے جمال تیرا

مستانہ جلوہ گریاں کیا کیا بتائیں تیری

روز ازل سے ہم ہیں حسن و لقا کے شائق

شرم و حیا کی باتیں کیا کیا سنائیں تیری

بس میں نہیں ہوں تو ہے پھر کیا حجاب باقی

کب تک بھلا یہ رمزیں دل میں سمائیں تیری

یہ عشق سوز مستی ہے میراں شاہؔ کو حاصل

کیا کیا یہ حالتیں ہیں مجھ کو سجھائیں تیری

bhati hain dil ko pyare naz-o-adaen teri

dil mein ye arzu hai le lun balaen teri

ik pal palak utha kar dekho ba nazar-e-rahmat

asrar ganj-e-makhfi ankhen lubhaen teri

zulf-e-siyah ke bal mein alam to mubtala hai

ashiq bhala ye kis ko baten sunaen teri

didar haq numa hai pyare jamal tera

mastana jalwa giryan kya kya bataen teri

roz-e-azal se ham hain husn-o-liqa ke shaiq

sharm-o-haya ki baten kya kya sunaen teri

bas mein nahin hun to hai phir kya hijab baqi

kab tak bhala ye ramzen dil mein samaen teri

ye ishq soz-e-masti hai miran shah ko hasil

kya kya ye halaten hain mujh ko sujhaen teri