بھاگے اچھی شکلوں والے عشق ہے گویا کام برا

بھاگے اچھی شکلوں والے عشق ہے گویا کام برا

اپنی حالت کیا میں بتاؤں بد اچھا بدنام برا

گیسو و رخ کو جب سے چاہا تب سے میرا رنگ یہ ہے

شام اچھا تو صبح برا اور صبح اچھا تو شام برا

قدر ہو کیا خاک اس کے گھر میں آندھی کے سی آم ہیں دل

عاشق ٹوٹے پڑتے ہیں ہر روز کا اذن عام برا

باندھ کے حلقے گھیریں گے اب میرے دل کی خیر نہیں

گھونگھر والے گیسو اس کے باندھ رہے ہیں لام برا

سر پہ عمامہ ہاتھ میں سبحہ شوقؔ نہ جا بت خانے کو

بت ہیں بڑے کافر رکھ دیں گے سر الزام برا

bhage achchhi shaklon wale ishq hai goya kam bura

apni halat kya main bataun bad achchha badnam bura

gesu-o-rukh ko jab se chaha tab se mera rang ye hai

sham achchha to subh bura aur subh achchha to sham bura

qadr ho kya khak us ke ghar mein andhi ke si am hain dil

ashiq tute parte hain har roz ka izn-e-am bura

bandh ke halqe gherenge ab mere dil ki khair nahin

ghonighar wale gesu us ke bandh rahe hain lam bura

sar pe ammama hath mein subha shauq na ja but khane ko

but hain bare kafir rakh denge sar ilzam bura