بڑھا یہ شک کہ غیروں کہ تن میں آگ لگی

بڑھا یہ شک کہ غیروں کہ تن میں آگ لگی

ہم آئے کیا کہ تری انجمن میں آگ لگی

ذرا جو اس نے ہٹائی نقاب چہرے سے

گری وہ برق کی سب انجمن میں آگ لگی

برابر آج خبر اشک گرم لاتے ہیں

غضب کی قصر دل پر محن میں آگ لگی

یہ تیرا وحشیٔ آتش نفس جہاں پہنچا

پہاڑ جل کے ہوئے خاک بن میں آگ لگی

جلا رہا ہے یہ کہہ کہہ کے دم بہ دم صیاد

تجھے خبر بھی ہے بلبل چمن میں آگ لگی

کمال حسن کی گرمی سے مجھ کو حیرت ہے

کہ آج تک نہ مرے پیرہن میں آگ لگی

جب آہ گرم چلی دل سے ساتھ دوڑے اشک

ہوا یقین کہ کام و دہن میں آگ لگی

چہار سمت سے لے لے کے پانی ابر آیا

کھلے جو پھول تو جانا چمن میں آگ لگی

جہاں پڑھے گئے اشعار تیرے گرما گرم

رشیدؔ محفل اہل سخن میں آگ لگی

barha ye shak ke ghairon ke tan mein ag lagi

ham ae kya ke tiri anjuman mein ag lagi

zara jo us ne hatai naqab chehre se

giri wo barq ki sab anjuman mein ag lagi

barabar aj khabar ashk-e-garm late hain

ghazab ki qasr-e-dil par mehan mein ag lagi

ye tera wahshi-e-atish nafas jahan pahuncha

pahar jal ke hue khak ban mein ag lagi

jala raha hai ye kah kah ke dam ba dam sayyad

tujhe khabar bhi hai bulbul chaman mein ag lagi

kamal-e-husn ki garmi se mujh ko hairat hai

ke aj tak na mire pairahan mein ag lagi

jab ah garm chali dil se sath daure ashk

hawa yaqin ke kam-o-dahan mein ag lagi

chahar samt se le le ke pani abr aya

khule jo phul to jana chaman mein ag lagi

jahan parhe gae ashar tere garma garm

rashid mahfil ahl-e-sukhan mein ag lagi