بڑی دلچسپیوں سے صبح شام زندگی ہوگی

بڑی دلچسپیوں سے صبح شام زندگی ہوگی

میں دیکھوں گا انہیں اور ساری دنیا دیکھتی ہوگی

کچھ ایسے درد سے فرقت میں میں نے ہاتھ اٹھائے ہیں

دعا بھی کامیابی کی دعائیں مانگتی ہوگی

سر محشر حجاب و شوق کا اک معرکہ ہوگا

انہیں اپنی پڑی ہوگی مجھے اپنی پڑی ہوگی

نہ کرتے حشر کو رسوا کبھی دن کے اجالے میں

خبر کیا تھی تری فرقت کی رات اتنی بڑی ہوگی

تعجب کیا لگے گر آگ اے سیمابؔ سینے میں

ہزاروں دل میں انگارے بھرے تھے لگ گئی ہوگی

bari dilchaspiyon se subh-e-sham-e-zindagi hogi

main dekhunga unhen aur sari duniya dekhti hogi

kuchh aise dard se furqat mein main ne hath uthae hain

dua bhi kamyabi ki duaen mangti hogi

sar-e-mahshar hijab-o-shauq ka ik marka hoga

unhen apni pari hogi mujhe apni pari hogi

na karte hashr ko ruswa kabhi din ke ujale mein

khabar kya thi tiri furqat ki rat itni bari hogi

taajjub kya lage gar ag ai simab sine mein

hazaron dil mein angare bhare the lag gai hogi