بہار آئی ہے آرائش چمن کے لیے

بہار آئی ہے آرائش چمن کے لیے

مری بھی طبع کو تحریک ہے سخن کے لیے

خیال تک نہ کیا اہل انجمن نے کبھی

تمام رات جلی شمع انجمن کے لیے

وطن میں آنکھ چراتے ہیں ہم سے اہل وطن

تڑپتے رہتے ہیں غربت میں ہم وطن کے لیے

چمن کے دام سے جائیں گے ہم کہاں صیاد

قفس فضول ہے پروردۂ چمن کے لیے

میں قید اشک سے آزاد ہوں محبت میں

کہ تجھ کو شمع بنانا ہے انجمن کے لیے

زبان اہل بصیرت پہ عرض حیرت ہے

سکوت داد ہے گویا مرے سخن کے لیے

فروغ طبع خدا داد گرچہ تھا وحشتؔ

ریاض کم نہ کیا ہم نے کسب فن کے لیے

bahar ai hai araish-e-chaman ke liye

miri bhi taba ko tahrik hai sukhan ke liye

khayal tak na kiya ahl-e-anjuman ne kabhi

tamam rat jali sham-e-anjuman ke liye

watan mein ankh churate hain ham se ahl-e-watan

tarapte rahte hain ghurbat mein ham watan ke liye

chaman ke dam se jaenge ham kahan sayyad

qafas fuzul hai parwarda-e-chaman ke liye

main qaid-e-ashk se azad hun mohabbat mein

ke tujh ko shama banana hai anjuman ke liye

zaban-e-ahl-e-basirat pe arz-e-hairat hai

sukut-e-dad hai goya mire sukhan ke liye

farogh-e-tab-e-khuda dad garche tha wahshat

riyaz kam na kiya ham ne kasb fan ke liye