بھولے بن کر حال نہ پوچھو بہتے ہیں اشک تو بہنے دو

بھولے بن کر حال نہ پوچھو بہتے ہیں اشک تو بہنے دو

جس سے بڑھے بے چینی دل کی ایسی تسلی رہنے دو

رسمیں اس اندھیر نگر کی نئی نہیں یہ پرانی ہیں

مہر پہ ڈالو رات کا پردہ ماہ کو روشن رہنے دو

روح نکل کر باغ جہاں سے باغ جناں میں جا پہنچے

چہرے پہ اپنے میری نگاہیں اتنی دیر تو رہنے دو

خندۂ گل بلبل میں ہوگا گل میں نغمہ بلبل کا

قصہ ایک زبانیں دو ہیں آپ کہو یا کہنے دو

اتنا جنون شوق دیا کیوں خوف جو تھا رسوائی کا

بات کرو خود قابل شکوہ الٹے مجھ کو رہنے دو

bhule ban kar hal na puchho bahte hain ashk to bahne do

jis se barhe be chini dil ki aisi tasalli rahne do

rasmen is andher nagar ki nai nahin ye purani hain

mehr pe dalo rat ka parda mah ko raushan rahne do

ruh nikal kar bagh-e-jahan se bagh-e-janan mein ja pahunche

chehre pe apne meri nigahen itni der to rahne do

khanda-e-gul bulbul mein hoga gul mein naghma bulbul ka

qissa ek zabanen do hain ap kaho ya kahne do

itna junun-e-shauq diya kyun khauf jo tha ruswai ka

bat karo khud qabil shikwa ulte mujh ko rahne do