بھولے سے بھی نہ جانب اغیار دیکھنا

بھولے سے بھی نہ جانب اغیار دیکھنا

شرط وفا یہی ہے خبردار دیکھنا

مانند شمع بیٹھ کے طے کی رہ عدم

یارو معجزہ ہے کہ رفتار دیکھنا

کہتی ہے روح دل سے دم نزع ہوشیار

ہم تو عدم کو جاتے ہیں گھر بار دیکھنا

اللہ رے اضطراب تمنائے دید یار

فرصت میں اک نگاہ کی سو بار دیکھنا

تسلیمؔ روئے یار کو حسرت کی آنکھ سے

اچھا نہیں ہے شوق میں ہر بار دیکھنا

bhule se bhi na janib-e-aghyar dekhna

shart-e-wafa yahi hai khabardar dekhna

manind-e-shama baith ke tai ki rah-e-adam

yaro mojiza hai ke raftar dekhna

kahti hai ruh dil se dam-e-nazaa hoshyar

ham to adam ko jate hain ghar bar dekhna

allah re iztirab-e-tamanna-e-did yar

fursat mein ik nigah ki sau bar dekhna

taslim ru-e-yar ko hasrat ki ankh se

achchha nahin hai shauq mein har bar dekhna