بہ چشم حقیقت جہاں دیکھتا ہوں

بہ چشم حقیقت جہاں دیکھتا ہوں

میں جاناں کا جلوہ عیاں دیکھتا ہوں

یہ جو کچھ کہ ظاہر ہے سب نور حق ہے

میں حق دیکھتا ہوں جہاں دیکھتا ہوں

بہر رنگ و ہر شے و ہر جا و ہر سو

تجھی کو میں جلوہ کناں دیکھتا ہوں

ہر اک قطرۂ بحر کثرت میں یارو

میں دریائے وحدت رواں دیکھتا ہوں

جہاں دیکھتا ہوں میں جلوہ ہے تیرا

ترے غیر کو میں زیاں دیکھتا ہوں

یہ تاثیر ہے راز الفت کا دل پر

چو شادی و غم ایک ساں دیکھتا ہوں

بجز ذات مرشد وہاں کچھ نہ پایا

میں شیخ و برہمن یہاں دیکھتا ہوں

کھلا مجھ پہ ہے جب سے سر حقیقت

میں اپنے تئیں خود گماں دیکھتا ہوں

ہوا فیض خادم صفیؔ سے یہ آثمؔ

کہ سب شان مولیٰ عیاں دیکھتا ہوں

ba chashm-e-haqiqat jahan dekhta hun

main janan ka jalwa ayan dekhta hun

ye jo kuchh ke zahir hai sab nur-e-haq hai

main haq dekhta hun jahan dekhta hun

bahar rang-o-har shai-o-har ja-o-har su

tujhi ko main jalwa kunan dekhta hun

har ik qatra-e-bahr-e-kasrat mein yaro

main dariya-e-wahdat rawan dekhta hun

jahan dekhta hun main jalwa hai tera

tire ghair ko main ziyan dekhta hun

ye tasir hai raz-e-ulfat ka dil par

chau shadi-o-gham ek san dekhta hun

bajuz zat murshid wahan kuchh na paya

main shaikh-o-barahman yahan dekhta hun

khula mujh pe hai jab se sar-e-haqiqat

main apne tain khud guman dekhta hun

hawa faiz-e-khadim safi se ye asim

ke sab shan moli ayan dekhta hun