بہار آ کر جو گلشن میں وہ گائیں
سخی لکھنویبہار آ کر جو گلشن میں وہ گائیں
تو غنچہ ہر طرف چٹکی بجائیں
یہ تم کو دیکھ کر گل پھول جائیں
کہ جامہ میں نہ پھر پھولے سمائیں
ملے رستہ تو سوئے چرخ جائیں
کہاں تک اس زمیں پر خاک اڑائیں
مثال شمع اس پر لو لگائیں
سحر تک شام سے آنسو بہائیں
مرے مرنے سے یہ اندھیر کا سوگ
کہو مسی ملیں سرمہ لگائیں
چمن میں اس سے ہم چشمی یہ دیدہ
تری آنکھیں نہ نرگس پھوٹ جائیں
خدا کے پاس کیا جائیں گے زاہد
گنہگاروں سے جب یہ بار پائیں
تردد پھول کا کس واسطے ہے
مری تربت پہ وہ تیوری چڑھائیں
مرے لاشہ کو کاندھا دے کے بولے
چلو تربت میں اب تم کو سلائیں
سخیؔ روتے ہی روتے دم نکل جائے
فراغت ہو کہیں گنگا نہائیں
bahar a kar jo gulshan mein wo gaen
tu ghuncha har taraf chutki bajaen
ye tum ko dekh kar gul phul jaen
ke jama mein na phir phule samaen
mile rasta to su-e-charkh jaen
kahan tak is zamin par khak uraen
misal-e-shama us par lo lagaen
sahar tak sham se ansu bahaen
mire marne se ye andher ka sog
kaho missi milen surma lagaen
chaman mein us se ham chashmi ye dida
tiri ankhen na nargis phut jaen
khuda ke pas kya jaenge zahid
gunahgaron se jab ye bar paen
taraddud phul ka kis waste hai
miri turbat pe wo tewri charhaen
mire lasha ko kandha de ke bole
chalo turbat mein ab tum ko sulaen
sakhi rote hi rote dam nikal jae
faraghat ho kahin ganga nahaen