بہار آئی ہے کیا کیا چاک جیب پیرہن کرتے
انعام اللہ خاں یقینبہار آئی ہے کیا کیا چاک جیب پیرہن کرتے
جو ہم بھی چھوٹ جاتے اب تو کیا دیوانہ پن کرتے
تصور اس دہان تنگ کا رخصت نہیں دیتا
جو ٹک دم مار سکتے ہم تو کچھ فکر سخن کرتے
نہیں جوں پنجۂ گل کچھ بھی ان ہاتھوں میں گیرائی
وگرنہ یہ گریباں نذر خوبان چمن کرتے
مسافر ہو کے آئے ہیں جہاں میں تس پہ وحشت ہے
قیامت تھی اگر ہم اس خرابہ میں وطن کرتے
کوئی فرہاد جیسے بے زباں کو قتل کرتا ہے
یقیںؔ ہم واں اگر ہوتے تو اک دو بچن کرتے
bahar ai hai kya kya chak-e-jeb-e-pairahan karte
jo ham bhi chhut jate ab to kya diwana pan karte
tasawwur is dahan-e-tang ka rukhsat nahin deta
jo tuk dam mar sakte ham to kuchh fikr-e-sukhan karte
nahin jun panja-e-gul kuchh bhi in hathon mein girai
wagarna ye gareban nazr-e-khuban-e-chaman karte
musafir ho ke ae hain jahan mein tis pe wahshat hai
qayamat thi agar ham is kharaba mein watan karte
koi farhad jaise be zaban ko qatl karta hai
yaqin ham wan agar hote to ik do bachan karte