بہار آئی ہے سوتے کو ٹک جگا دینا

بہار آئی ہے سوتے کو ٹک جگا دینا

جنوں ذرا مری زنجیر کو ہلا دینا

ترے لبوں سے اگر ہو سکے مسیحائی

تو ایک بات میں جیتا ہوں میں جلا دینا

اب آگے دیکھیو جیتوں نہ جیتوں یا قسمت

مری بساط میں دل ہے اسے لگا دینا

رہوں نہ گرمیٔ مجلس سے میں تری محروم

سپندوار مجھے بھی ذرا تو جا دینا

خدا کرے تری زلف سیہ کی عمر دراز

کبھی بلا مجھے لینا کبھی دعا دینا

برنگ غنچہ زر گل کے تئیں گرہ مت باندھ

فغاںؔ جو ہاتھ میں آوے اسے اڑا دینا

bahar ai hai sote ko tuk jaga dena

junun zara miri zanjir ko hila dena

tire labon se agar ho sake masihai

to ek bat mein jita hun main jala dena

ab age dekhiyo jitun na jitun ya qismat

miri bisat mein dil hai use laga dena

rahun na garmi-e-majlis se main tiri mahrum

sapnadwar mujhe bhi zara to ja dena

khuda kare tiri zulf-e-siyah ki umr-e-daraz

kabhi bala mujhe lena kabhi dua dena

barang-e-ghuncha zar-e-gul ke tain girah mat bandh

fughan jo hath mein awe use ura dena