بہار آئی جنوں لے گا ہمارا امتحاں دیکھیں

بہار آئی جنوں لے گا ہمارا امتحاں دیکھیں

نمک دے گا دل زخمی کو شور بلبلاں دیکھیں

سیا ہے زخم بلبل گل نے خار اور بوئے گلشن سے

سوئی تاگا ہمارے چاک دل کا ہے کہاں دیکھیں

ہمیں دل سوزی ہمیشہ یہاں تک دین و ایماں ہے

کہ جی جلتا ہے جب ہم بلبل فصل خزاں دیکھیں

گزر جاتی ہے دل سے تیر ہو کر یاد اس قد کی

جہاں ہم دوش عاشق ہم کوئی ابرو کماں دیکھیں

ہما سے بچ کے مجھ مجنوں کو دولت عشق کی ہو جو

سگ لیلیٰ کی قسمت ہوں گے میرے استخواں دیکھیں

چلا ہوں عزلتؔ اب صحرا بگولے کی زیارت کو

ملے گا طوف کو مجنوں کا برباد آستاں دیکھیں

bahar ai junun lega hamara imtihan dekhen

namak dega dil-e-zakhmi ko shor-e-bulbulan dekhen

siya hai zakhm-e-bulbul gul ne khar aur bu-e-gulshan se

soi taga hamare chak-e-dil ka hai kahan dekhen

hamen dil sozi hamesha yahan tak din-o-iman hai

ke ji jalta hai jab ham bulbul-e-fasl-e-khizan dekhen

guzar jati hai dil se tir ho kar yad is qad ki

jahan ham dosh ashiq ham koi abru kaman dekhen

huma se bach ke mujh majnun ko daulat ishq ki ho jo

sag-e-laila ki qismat honge mere ustukhwan dekhen

chala hun uzlat ab sahra bagule ki ziyarat ko

milega tauf ko majnun ka barbad astan dekhen