بھڑکے ہے دل کی آتش تجھ نیہ کی ہوا سوں

بھڑکے ہے دل کی آتش تجھ نیہ کی ہوا سوں

شعلہ نمط جلا دل تجھ حسن شعلہ زا سوں

گل کے چراغ گل ہو یک بار جھڑ پڑیں سب

مجھ آہ کی حکایت بولیں اگر صبا سوں

نکلی ہے جست کر کر ہر سنگ دل سوں آتش

چقماق جب پلک کی جھاڑا ہے توں ادا سوں

سجدہ بدل رکھے سر سر تا قدم عرق ہو

تجھ با حیا کے پگ پر آ کر حنا حیا سوں

یاں درد ہے پرم کا بیہودہ سر کہے مت

یہ بات سن ولیؔ کی جا کر کہو دوا سوں

bharke hai dil ki atish tujh naya ki hawa sun

shola namat jala dil tujh husn shola za sun

gul ke charagh-e-gul ho yak bar jhar paren sab

mujh ah ki hikayat bolen agar saba sun

nikli hai jast kar kar har sang dil sun atish

chaqmaq jab palak ki jhara hai tun ada sun

sajda badal rakhe sar sar ta qadam araq ho

tujh ba haya ke pig par a kar hina haya sun

yan dard hai parm ka behoda sar kahe mat

ye bat sun wali ki ja kar kaho dawa sun