بتوں کی اگر خود نمائی نہ دیکھوں

بتوں کی اگر خود نمائی نہ دیکھوں

ان آنکھوں سے یا رب خدائی نہ دیکھوں

محبت سے کہتا ہوں سی رکھوں آنکھیں

پلک سے پلک کی جدائی نہ دیکھوں

بھلا میں برا جانتا ہوں جو تم کو

برائی ہے اپنی بھلائی نہ دیکھوں

مرا عکس تک صاف مجھ سے نہیں ہے

میں حیراں ہوں کس منہ سے آئینہ دیکھوں

نسیمؔ اس چمن کے جو کانٹوں سے الجھوں

میں اس گل کی رنگیں ادائی نہ دیکھوں

buton ki agar khud numai na dekhun

in ankhon se ya rab khudai na dekhun

mohabbat se kahta hun si rakhun ankhen

palak se palak ki judai na dekhun

bhala mein bura janta hun jo tum ko

burai hai apni bhalai na dekhun

mira aks tak saf mujh se nahin hai

main hairan hun kis munh se aina dekhun

nasim is chaman ke jo kanton se uljhun

main us gul ki rangin adai na dekhun