بتوں کے واسطے تو دین و ایماں بیچ ڈالے ہیں

بتوں کے واسطے تو دین و ایماں بیچ ڈالے ہیں

یہ وہ معشوق ہیں جو ہم نے کعبے سے نکالے ہیں

وہ دیوانہ ہوں جس نے کوہ و صحرا چھان ڈالے ہیں

انہیں تلووں سے تو ٹوٹے ہوئے کانٹے نکالے ہیں

تراشی ہیں وہ باتیں اس ستم گر نے سر محفل

کلیجے سے ہزاروں تیر چن چن کر نکالے ہیں

جگر دل کے ورق ہیں وعدۂ دیدار سے روشن

انہیں کیوں دوں کسی کو یہ تو جنت کے قبالے ہیں

اگر منہ سے کہا کچھ تو بکھر ہی جائیں گے ٹکڑے

بڑی مشکل سے ہم ٹوٹے ہوئے دل کو سنبھالے ہیں

ہمیں ہیں موجد باب فصاحت حضرت شاعرؔ

زمانہ سیکھتا ہے ہم سے ہم وہ دلی والے ہیں

buton ke waste to din-o-iman bech dale hain

ye wo maashuq hain jo ham ne kaabe se nikale hain

wo diwana hun jis ne koh-o-sahra chhan dale hain

unhen talwon se to tute hue kante nikale hain

tarashi hain wo baten us sitam gar ne sar-e-mahfil

kaleje se hazaron tir chun chun kar nikale hain

jigar dil ke waraq hain waada-e-didar se raushan

unhen kyun dun kisi ko ye to jannat ke qabale hain

agar munh se kaha kuchh to bikhar hi jaenge tukre

bari mushkil se ham tute hue dil ko sambhale hain

hamen hain mujid bab-e-fasahat hazrat shayar

zamana sikhta hai ham se ham wo dilli wale hain