بتوں کو بھول جاتے ہیں خدا کو یاد کرتے ہیں

بتوں کو بھول جاتے ہیں خدا کو یاد کرتے ہیں

برہمن جب سفر سوئے الہ آباد کرتے ہیں

نہ گردن مارتے ہیں وہ نہ دیتے ہیں کبھی پھانسی

حسینوں کو یہ سب مشہور کیوں جلاد کرتے ہیں

ستم ایجاد کہتے ہیں یہ کیوں معشوق کو شاعر

ستم بھی کیا کوئی شے ہے جسے ایجاد کرتے ہیں

ہمیں بتلا نہ دیں عاشق جو ہیں روئے کتابی پر

سبق ہے کیا کوئی معشوق جس کو یاد کرتے ہیں

buton ko bhul jate hain khuda ko yad karte hain

barahman jab safar su-e-ala abad karte hain

na gardan marte hain wo na dete hain kabhi phansi

hasinon ko ye sab mashhur kyun jallad karte hain

sitam ijad kahte hain ye kyun maashuq ko shayar

sitam bhi kya koi shai hai jise ijad karte hain

hamen batla na den ashiq jo hain ru-e-kitabi par

sabaq hai kya koi maashuq jis ko yad karte hain