بتائیں تم سے کیا ہم عاشق بیمار کس کے ہیں

بتائیں تم سے کیا ہم عاشق بیمار کس کے ہیں

ہمارے دیدۂ تر طالب دیدار کس کے ہیں

نہ کیوں ہم شکل بلبل مدح میں نغمہ سرا ہوں میں

تمہیں مجھ کو بتا دو پھول سے رخسار کس کے ہیں

کوئی بے خود کوئی با خود ہوئے تیری محبت میں

جو ہیں غافل وہ کس کے ہیں جو ہیں ہشیار کس کے ہیں

اٹھا کر ہاتھ میں تسبیح مجھ سے دل یہ کہتا ہے

برہمن کس کے ہیں ہم صاحب زنار کس کے ہیں

نہ کیوں بہر شہادت سر جھکائیں شوق سے عاشق

بسان تیغ کہیے ابروئے خم دار کس کے ہیں

کہا یہ طائر دل نے الجھ کر زلف پر خم میں

پھنسایا کس نے مجھ کو اور یہ کردار کس کے ہیں

نہیں معلوم زخمی ہو گیا ہے کون شیدائی

گل تازہ جمیلہؔ زخم دامن دار کس کے ہیں

bataen tum se kya ham ashiq-e-bimar kis ke hain

hamare dida-e-tar talib-e-didar kis ke hain

na kyun ham shakl bulbul madh mein naghma sara hun main

tumhen mujh ko bata do phul se rukhsar kis ke hain

koi be khud koi ba khud hue teri mohabbat mein

jo hain ghafil wo kis ke hain jo hain hushyar kis ke hain

utha kar hath mein tasbih mujh se dil ye kahta hai

barahman kis ke hain ham sahab-e-zunnar kis ke hain

na kyun bahr-e-shahadat sar jhukaen shauq se ashiq

basan-e-tegh kahiye abru-e-kham dar kis ke hain

kaha ye tair-e-dil ne ulajh kar zulf par kham mein

phansaya kis ne mujh ko aur ye kirdar kis ke hain

nahin maalum zakhmi ho gaya hai kaun shaidai

gul-e-taza jamilahu zakhm-e-daman dar kis ke hain