بام پر آتا ہے ہمارا چاند
سخی لکھنویبام پر آتا ہے ہمارا چاند
آسماں سے کرے کنارا چاند
آپ ہی کی تلاش میں صاحب
گردشیں کرتا ہے گوارا چاند
خال اور رخ سے کس کو دوں نسبت
ایسے تارے نہ ایسا پیارا چاند
آگ بھڑکی جو آتشیں رخ کی
ابھی اڑ جائے ہو کے پارا چاند
ہونے تو دو مقابلہ ان سے
غل کریں گے ملک کہ ہارا چاند
چرخ سے ان کو تاکتا ہے سخیؔ
جائے گا ایک روز مارا چاند
bam par ata hai hamara chand
asman se kare kinara chand
ap hi ki talash mein sahab
gardishen karta hai gawara chand
khal aur rukh se kis ko dun nisbat
aise tare na aisa pyara chand
ag bharki jo atishin rukh ki
abhi ur jae ho ke para chand
hone to do muqabla un se
ghul karenge malak ke hara chand
charkh se un ko takta hai sakhi
jaega ek roz mara chand