بال بکھیرے آج پری تربت پر میرے آئے گی

بال بکھیرے آج پری تربت پر میرے آئے گی

موت بھی میری ایک تماشہ عالم کو دکھلائے گی

محو ادا ہو جاؤں گا گر وصل میں وہ شرمائے گی

بار خدایا دل کی حسرت کیسے پھر بر آئے گی

کاہیدہ ایسا ہوں میں بھی ڈھونڈا کرے نہ پائے گی

میری خاطر موت بھی میری برسوں سر ٹکرائے گی

عشق بتاں میں جب دل الجھا دین کہاں اسلام کہاں

واعظ کالی زلف کی الفت سب کو رام بنائے گی

چنگا ہوگا جب نہ مریض کاکل شب گوں حضرت سے

آپ کی الفت عیسیٰ کی اب عظمت آج مٹائے گی

بہر عیادت بھی جو نہ آئیں گے نہ ہمارے بالیں پر

برسوں میرے دل کی حسرت سر پر خاک اڑائے گی

دیکھوں گا محراب حرم یاد آئے گی ابروئے صنم

میرے جانے سے مسجد بھی بت خانہ بن جائے گی

غافل اتنا حسن پہ غرہ دھیان کدھر ہے توبہ کر

آخر اک دن صورت یہ سب مٹی میں مل جائے گی

عارف جو ہیں ان کے ہیں بس رنج و راحت ایک رساؔ

جیسے وہ گزری ہے یہ بھی کسی طرح نبھ جائے گی

bal bikhere aj pari turbat par mere aegi

maut bhi meri ek tamasha alam ko dikhlaegi

mahw-e-ada ho jaunga gar wasl mein wo sharmaegi

bar-e-khudaya dil ki hasrat kaise phir bar aegi

kahida aisa hun main bhi dhunda kare na paegi

meri khatir maut bhi meri barson sar takraegi

ishq-e-butan mein jab dil uljha din kahan islam kahan

waiz kali zulf ki ulfat sab ko ram banaegi

changa hoga jab na mariz-e-kakul shab gun hazrat se

ap ki ulfat isa ki ab azmat aj mitaegi

bahr-e-ayadat bhi jo na aenge na hamare balin par

barson mere dil ki hasrat sar par khak uraegi

dekhunga mehrab-e-haram yad aegi abru-e-sanam

mere jane se masjid bhi but khana ban jaegi

ghafil itna husn pe ghurra dhyan kidhar hai tauba kar

akhir ik din surat ye sab mitti mein mil jaegi

arif jo hain un ke hain bas ranj-o-rahat ek rasa

jaise wo guzri hai ye bhi kisi tarah nibh jaegi