بانی جور و جفا ہیں ستم ایجاد ہیں سب

بانی جور و جفا ہیں ستم ایجاد ہیں سب

راحت جاں کوئی دلبر نہیں جلاد ہیں سب

کبھی طوبیٰ ترے قامت سے نہ ہوگا بالا

باتیں کہنے کی یہ اے غیرت شمشاد ہیں سب

مژہ و ابرو و چشم و نگہ و غمزہ و ناز

حق جو پوچھو تو مری جان کے جلاد ہیں سب

سرو کو دیکھ کے کہتا ہے دل بستۂ زلف

ہم گرفتار ہیں اس باغ میں آزاد ہیں سب

کچھ ہے بیہودہ و ناقص تو امانتؔ کا کلام

یوں تو کہنے کو فن شعر میں استاد ہیں سب

bani-e-jaur-o-jafa hain sitam ijad hain sab

rahat-e-jan koi dilbar nahin jallad hain sab

kabhi tuba tire qamat se na hoga bala

baten kahne ki ye ai ghairat-e-shamshad hain sab

mizha-o-abru-o-chashm-o-nigah-o-ghamza-o-naz

haq jo puchho to miri jan ke jallad hain sab

sarw ko dekh ke kahta hai dil-e-basta-e-zulf

ham giraftar hain is bagh mein azad hain sab

kuchh hai behoda-o-naqis to amanat ka kalam

yun to kahne ko fan-e-sher mein ustad hain sab