بت پرستی سے نہ طینت مری زنہار پھری

بت پرستی سے نہ طینت مری زنہار پھری

صبح سو بار خریدی گئی سو بار پھری

بارہا قہقہوں میں تو نے اڑایا ہے اسے

شمع روتی تری محفل سے ہے سو بار پھری

چل بسی فصل خزاں موسم گل آ پہنچا

لے مبارک ہو ہوا بلبل گل زار پھری

ایک جا بھی نظر آئی نہ اثر کی صورت

گرتی پڑتی نہ کہاں آہ‌ دل زار پھری

زلف جاناں کے جو سودے میں ہوا سرگشتہ

سائے کی طرح مرے ساتھ شب تار پھری

بھیک منگوائی فقیروں کی طرح شاہوں کو

ایسی نیت تری اے چرخ ستم گار پھری

اے صباؔ دیکھ لیا ہم نے اسی تک سب تھے

پھر گیا سارا جہاں جب نظر‌ یار پھری

but parasti se na tinat miri zinhar phiri

subh sau bar kharidi gai sau bar phiri

barha qahqahon mein tu ne uraya hai use

shama roti tiri mahfil se hai sau bar phiri

chal basi fasl-e-khizan mausam-e-gul a pahuncha

le mubarak ho hua bulbul-e-gul zar phiri

ek ja bhi nazar ai na asar ki surat

girti parti na kahan ah dil-e-zar phiri

zulf janan ke jo saude mein hua sargashta

sae ki tarah mire sath shab-e-tar phiri

bhik mangwai faqiron ki tarah shahon ko

aisi niyyat tiri ai charkh-e-sitam gar phiri

ai saba dekh liya ham ne usi tak sab the

phir gaya sara jahan jab nazar yar phiri