او میاں بانکے ہے کہاں کی چال

او میاں بانکے ہے کہاں کی چال

تم جو چلتے ہو نت یہ بانکی چال

ناز رفتار یہ نہیں دیکھا

ہم نے دیکھی ہے اک جہاں کی چال

لاکھوں پامال ناز ہیں ان کے

کون سمجھے ہے ان بتاں کی چال

کبک کو دیکھ کر یہ کہنے لگا

یہ چلے ہے ہمارے ہاں کی چال

رکھ کے شطرنج غائبانۂ عشق

تم چلے اک تو امتحاں کی چال

تس پہ دشمن ہمارے جی کی ہوئی

کجیٔ پیل آسماں کی چال

مصحفیؔ بھر چلا وہ ریش و بروت

ہوئے جس پیر ناتواں کی چال

o miyan banke hai kahan ki chal

tum jo chalte ho nit ye banki chal

naz raftar ye nahin dekha

ham ne dekhi hai ik jahan ki chal

lakhon pamal-e-naz hain un ke

kaun samjhe hai un butan ki chal

kabk ko dekh kar ye kahne laga

ye chale hai hamare han ki chal

rakh ke shatranj ghaibana-e-ishq

tum chale ik to imtihan ki chal

tis pe dushman hamare ji ki hui

kaji-e-pil asman ki chal

mushafi bhar chala wo rish-o-burut

hue jis pir natawan ki chal