بل پڑنے لگا ابروئے خم دار کے اوپر

بل پڑنے لگا ابروئے خم دار کے اوپر

آ جائے نہ آفت کہیں دو چار کے اوپر

قطرات عرق ہیں نہیں یہ سلک گہر ہیں

کیا عکس فگن اس رخ گلنار کے اوپر

خوں ریزی پہ باندھے گا کمر جب کہ وہ سفاک

گلزار بنا دے گا تن زار کے اوپر

بوسہ جو طلب میں نے کیا بولے یہ اغیار

تلوار چلے گی اسی تکرار کے اوپر

وعدہ کیا آنے کا پر آئے نہیں ہرگز

کیا ہوئے یقین آپ کے اقرار کے اوپر

خوبوں کو محبت ہے بروں سے بھی کہ جوں گل

رہتا ہے سدا سایہ فگن خار کے اوپر

تاثیر ہے تقریر میں اس شوخ کی اتنی

خاموش ہوئیں بلبلیں گفتار کے اوپر

bal parne laga abru-e-kham dar ke upar

a jae na afat kahin do char ke upar

qutrat araq hain nahin ye silk-e-guhar hain

kya aks fagan us rukh gulnar ke upar

khun rezi pe bandhega kamar jab ke wo saffak

gulzar bana dega tan zar ke upar

bosa jo talab main ne kiya bole ye aghyar

talwar chalegi isi takrar ke upar

waada kiya ane ka par ae nahin hargiz

kya hue yaqin ap ke iqrar ke upar

khubon ko mohabbat hai buron se bhi ke jun gul

rahta hai sada saya fagan khar ke upar

tasir hai taqrir mein us shokh ki itni

khamosh huin bulbulen guftar ke upar