بغیر ساغر و یار جواں نہیں گزرے

بغیر ساغر و یار جواں نہیں گزرے

ہماری عمر کے دن رائیگاں نہیں گزرے

ہجوم گل میں رہے ہم ہزار دست دراز

صبا نفس تھے کسی پر گراں نہیں گزرے

نمود ان کی بھی دور سبو میں تھی کل رات

ابھی جو دور تہ آسماں نہیں گزرے

نقوش پا سے ہمارے اگے ہیں لالہ و گل

رہ بہار سے ہم بے نشاں نہیں گزرے

غلط ہے ہم نفسو ان کا زندگی میں شمار

جو دن بخدمت پیر مغاں نہیں گزرے

ظفرؔ کا مشرب رندی ہے اک جہاں سے الگ

مری نگاہ سے ایسے جواں نہیں گزرے

baghair saghar-o-yar-e-jawan nahin guzre

hamari umr ke din raigan nahin guzre

hujum-e-gul mein rahe ham hazar dast-e-daraz

saba nafas the kisi par giran nahin guzre

numud un ki bhi daur-e-subu mein thi kal rat

abhi jo daur-e-tah asman nahin guzre

nuqush-e-pa se hamare uge hain lala-o-gul

rah-e-bahar se ham be nishan nahin guzre

ghalat hai ham nafaso un ka zindagi mein shumar

jo din bakhidmat pir-e-mughan nahin guzre

zafar ka mashrab-e-rindi hai ik jahan se alag

miri nigah se aise jawan nahin guzre