بقدر جوش جنوں تار تار بھی نہ کیا

بقدر جوش جنوں تار تار بھی نہ کیا

وہ پیرہن جسے نذر بہار بھی نہ کیا

کوئی جواب ہے اس طرز دلربائی کا

سکوں بھی لوٹ لیا بے قرار بھی نہ کیا

دل خراب سر کوئے یار لے آیا

خیال گردش لیل و نہار بھی نہ کیا

گزر گیا یونہی چپ چاپ کاروان بہار

نوید گل بھی نہ دی دل فگار بھی نہ کیا

خیال خاطر احباب اور کیا کرتے

جگر پہ زخم بھی کھائے شمار بھی نہ کیا

baqadr-e-josh-e-junun tar tar bhi na kiya

wo pairahan jise nazr-e-bahar bhi na kiya

koi jawab hai is tarz dilrubai ka

sukun bhi laut liya be qarar bhi na kiya

dil-e-kharab-e-sar ku-e-yar le aya

khayal gardish-e-lail-o-nahar bhi na kiya

guzar gaya yunhi chup chap karwan-e-bahar

nawed-e-gul bhi na di dil figar bhi na kiya

khayal-e-khatir-e-ahbab aur kiya karte

jigar pe zakhm bhi khae shumar bhi na kiya