بعد مدت جو میں اے چرخ کہن یاد آیا

بعد مدت جو میں اے چرخ کہن یاد آیا

کیا ستم کوئی نیا مشفق من یاد آیا

شعر کہتا تھا کہ مضمون دہن یاد آیا

اک معمہ یہ دم فکر سخن یاد آیا

اہل دنیا کو کسی دن نہ ہوئی فکر عدم

کیا مسافر ہیں کہ جن کو نہ وطن یاد آیا

دیکھ کر ابر بہاری مری نسبت بدلی

صحن گلشن میں دل توبہ شکن یاد آیا

رشتۂ جاں میں گرہ پڑ گئی الجھن کے سبب

دل کو جب گیسوئے پر پیچ و شکن یاد آیا

پا کے سر چشمۂ حیواں جو پھر آیا الٹا

کیا سکندرؔ کو ترا چاہ ذقن یاد آیا

مٹ گئی دل کے نہ ہونے سے وہ داغوں کی بہار

اے نظرؔ وقت خزاں ہم کو چمن یاد آیا

baad muddat jo main ai charkh-e-kuhan yad aya

kya sitam koi naya mushfiq-e-man yad aya

sher kahta tha ke mazmun dahan yad aya

ik muamma ye dam-e-fikr-e-sukhan yad aya

ahl-e-duniya ko kisi din na hui fikr-e-adam

kya musafir hain ke jin ko na watan yad aya

dekh kar abr-e-bahari miri nisbat badli

sehn-e-gulshan mein dil-e-tauba shikan yad aya

rishta-e-jan mein girah par gai uljhan ke sabab

dil ko jab gesue pur pech-o-shikan yad aya

pa ke sar chashma-e-haiwan jo phir aya ulta

kya sikandar ko tira chah-e-zaqan yad aya

mit gai dil ke na hone se wo daghon ki bahar

ai nazar waqt-e-khizan ham ko chaman yad aya