بطرز دلبری بیداد کیجے
مرزا آسمان جاہ انجمبطرز دلبری بیداد کیجے
جفاؤں میں ادا ایجاد کیجے
ہماری عاجزی اعجاز ہو جائے
پیمبر ہوں اگر آزاد کیجے
یہ کیسا عالم بالا کا جھگڑا
اجی پہلو مرا آباد کیجے
لہو مل کر شہیدوں میں ملے ہیں
ہمارے نام پر بھی صاد کیجے
تمنا بڑھ نہ جائے حد سے زائد
ہمیں شاہ نجف اب یاد کیجے
ہماری خاک سے صحرا بھرے ہیں
جہاں تک چاہئے برباد کیجے
اشاروں نے تو لے لی جان صاحب
ذرا منہ سے بھی کچھ ارشاد کیجے
پریشان ہے بہت انجمؔ خدارا
شہید کربلا امداد کیجے
مزاج یار ہو جائے نہ برہم
نہ اے انجمؔ بہت فریاد کیجے
batraz dilbari bedad kije
jafaon mein ada ijad kije
hamari ajizi ejaz ho jae
payambar hun agar azad kije
ye kaisa alam-e-bala ka jhagra
aji pahlu mira abad kije
lahu mil kar shahidon mein mile hain
hamare nam par bhi sad kije
tamanna barh na jae had se zaid
hamen shah-e-najaf ab yad kije
hamari khak se sahra bhare hain
jahan tak chahiye barbad kije
isharon ne to le li jan sahab
zara munh se bhi kuchh irshad kije
pareshan hai bahut anjum khudara
shahid-e-karbala imdad kije
mizaj-e-yar ho jae na barham
na ai anjum bahut fariyad kije