بلبل وہ گل ہے خواب میں تو گا کے مت جگا

بلبل وہ گل ہے خواب میں تو گا کے مت جگا

یا چٹکیوں کی غنچوں سے بجوا کے گت جگا

وہ گلعذار باغ میں آوے جو رحم کر

کہتے ہیں گل گلوں سے کریں آج رت جگا

ہمدم وہ بذلہ سنج تو آتے ہی سو رہا

خوش طبعیوں سے بول کے باہم جگت جگا

تا صبح شام سے رہے مجلس میں دور جام

ساقی ہمیں جگائے تو با کیفیت جگا

کاٹی ہے بیکلی سے شب ہجر گل رخاں

ٹک آنکھ لگ گئی ہے صبا ہم کو مت جگا

ہے مجھ کو اس کی نازکیٔ طبع سے لحاظ

دوں ورنہ آنکھیں پاؤں سے مل کر ترت جگا

فرہاد و قیس چھوڑ گئے کشور جنوں

نوبت پر اپنی واں کی دلا سلطنت جگا

bulbul wo gul hai khwab mein to ga ke mat jaga

ya chutkiyon ki ghunchon se bajwa ke gat jaga

wo gulizar bagh mein awe jo rahm kar

kahte hain gul gulon se karen aj rut jaga

hamdam wo bazla sanj to ate hi so raha

khush tabaiyon se bol ke baham jagat jaga

ta subh-e-sham se rahe majlis mein daur-e-jam

saqi hamen jagae to ba kaifiyat jaga

kati hai bekali se shab-e-hijr-e-gul rukhan

tuk ankh lag gai hai saba ham ko mat jaga

hai mujh ko us ki nazuki-e-taba se lihaz

dun warna ankhen paon se mil kar turat jaga

farhad-o-qais chhor gae kishwar-e-junun

naubat par apni wan ki dila saltanat jaga