بلا سے خلق ہو بے درد عشق کیا غم ہے
عشق اورنگ آبادیبلا سے خلق ہو بے درد عشق کیا غم ہے
جراحت دل محزوں کا درد مرہم ہے
جہاں میں غم سے کوئی عشرت کدہ نہیں خالی
ہے شمع بزم میں گریاں چمن میں شبنم ہے
ہوں آب دیدہ میں نرگس پہ دیکھ کر شبنم
کہ آہ چشم کی صورت بھی اشک سے نم ہے
رکھے ہے لطف شبستان بزم منعم لیک
سواد شام غریباں کا اور عالم ہے
گلوں کا چاک گریباں ہیں بلبلیں نالاں
چمن میں عشقؔ خدا جانے کس کا ماتم ہے
bala se khalq ho be dard ishq kya gham hai
jarahat-e-dil mahzon ka dard marham hai
jahan mein gham se koi ishrat kada nahin khali
hai sham-e-bazm mein giryan chaman mein shabnam hai
hun ab dida mein nargis pe dekh kar shabnam
ke ah chashm ki surat bhi ashk se nam hai
rakhe hai lutf-e-shabistan-e-bazm-e-munam lek
sawad-e-sham-e-ghariban ka aur alam hai
gulon ka chak-e-gareban hain bulbulen nalan
chaman mein ishq khuda jane kis ka matam hai