اے اہل نظر سوز ہمیں ساز ہمیں ہیں
سراج الدین ظفراے اہل نظر سوز ہمیں ساز ہمیں ہیں
عالم میں پس پردۂ پرواز ہمیں ہیں
اے جبر مشیت بہ ہمہ بے پر و بالی
اب بھی ہے جنہیں ہمت پرواز ہمیں ہیں
خوش ہیں کہ نہیں اس ستم آرا کا ستم عام
نازاں ہیں کہ اس کے ہدف ناز ہمیں ہیں
وہ انجمن ناز بتاں ہو کہ سر دار
جس سمت سے گزرے ہیں سرافراز ہمیں ہیں
دیکھیں جو کسی اور طرف بھی وہ سر بزم
مقصود نگاہ غلط انداز ہمیں ہیں
اے شاہد معنی صف شیریں سخناں میں
ہے کوئی اگر شاعر طناز ہمیں ہیں
اے جان ظفرؔ حافظؔ و سعدیؔ کی قفا میں
اب وارث مے خانۂ شیراز ہمیں ہیں
ai ahl-e-nazar soz hamen saz hamen hain
alam mein pas-e-parda-e-parwaz hamen hain
ai jabr-e-mashiyyat ba hama be par-o-bali
ab bhi hai jinhen himmat-e-parwaz hamen hain
khush hain ke nahin us sitam ara ka sitam am
nazan hain ke us ke hadaf-e-naz hamen hain
wo anjuman-e-naz-e-butan ho ke sar-e-dar
jis samt se guzre hain sarafraz hamen hain
dekhen jo kisi aur taraf bhi wo sar-e-bazm
maqsud nigah-e-ghalat andaz hamen hain
ai shahid-e-maani saf shirin sukhanan mein
hai koi agar shayar tannaz hamen hain
ai jan zafar hafiz-o-saadi ki qifa mein
ab waris mai khana-e-shiraz hamen hain