اے دل نہ سن افسانہ کسی شوخ حسیں کا

اے دل نہ سن افسانہ کسی شوخ حسیں کا

ناعاقبت اندیش رہے گا نہ کہیں کا

دنیا کا رہا ہے دل ناکام نہ دیں کا

اس عشق بد انجام نے رکھا نہ کہیں کا

ہیں تاک میں اک شوخ کی دزدیدہ نگاہیں

اللہ نگہبان ہے اب جان حزیں کا

حالت دل بیتاب کی دیکھی نہیں جاتی

بہتر ہے کہ ہو جائے یہ پیوند زمیں کا

گو قدر وہاں خاک بھی ہوتی نہیں میری

ہر وقت تصور ہے مگر دل میں وہیں کا

ہر عاشق جانباز کو ڈر اے ستم آرا

تلوار سے بڑھ کر ہے تری چین جبیں کا

کچھ سختی دنیا کا مجھے غم نہیں احسنؔ

کھٹکا ہے مگر دل کو دم بازپسیں کا

ai dil na sun afsana kisi shokh hasin ka

naaqibat andesh rahega na kahin ka

duniya ka raha hai dil-e-nakam na den ka

is ishq bad anjam ne rakha na kahin ka

hain tak mein ik shokh ki duzdida nigahen

allah nigahban hai ab jan-e-hazin ka

halat dil-e-betab ki dekhi nahin jati

behtar hai ke ho jae ye paiwand zamin ka

go qadr wahan khak bhi hoti nahin meri

har waqt tasawwur hai magar dil mein wahin ka

har ashiq-e-janbaz ko dar ai sitam ara

talwar se barh kar hai tiri chain-e-jabin ka

kuchh sakhti duniya ka mujhe gham nahin ahsan

khatka hai magar dil ko dam bazpasen ka