اے دل اس زلف کی رکھیو نہ تمنا باقی
عاشق اکبرآبادیاے دل اس زلف کی رکھیو نہ تمنا باقی
حشر تک ورنہ رہے گی شب یلدا باقی
ترے ہنگامہ سے خوش ہوں مگر اے جوش جنوں
کچھ قیامت کے لئے بھی رہے غوغا باقی
آپ کو بیچ چکا ہوں ترے غم کے ہاتھوں
ہے مگر عشق کا تیرے ابھی سودا باقی
غم ہجراں میں گئی جان چلو خوب ہوا
دوستوں کو نہ رہے فکر مداوا باقی
جان سینہ سے نکلنے کو ہے دل پہلو سے
ہے فقط اس نگہ ناز کا ایما باقی
خاک عاشق سے اگاتا ہے مغیلاں کا درخت
اس کی مژگاں کا ہے مرقد میں بھی کھٹکا باقی
ai dil is zulf ki rakhiyo na tamanna baqi
hashr tak warna rahegi shab-e-yalda baqi
tire hangama se khush hun magar ai josh-e-junun
kuchh qayamat ke liye bhi rahe ghaugha baqi
ap ko bich chuka hun tire gham ke hathon
hai magar ishq ka tere abhi sauda baqi
gham-e-hijran mein gai jan chalo khub hua
doston ko na rahe fikr-e-mudawa baqi
jan-e-sina se nikalne ko hai dil pahlu se
hai faqat us nigah-e-naz ka ima baqi
khak-e-ashiq se ugata hai mughilan ka darakht
us ki mizhgan ka hai marqad mein bhi khatka baqi