اے دل زار لکھو جانب جاناں کاغذ

اے دل زار لکھو جانب جاناں کاغذ

حال کا لکھتے ہیں فقرا سوئے سلطاں کاغذ

مرجع گبر و مسلماں ہے وہ بت نام خدا

بھیجتے ہیں اسے ہندو و مسلماں کاغذ

ان کا مضمون بھی البتہ ہویدا ہوگا

اب جو آنے لگے اس شوخ کو پنہاں کاغذ

حیف ہے صبح وطن سے نہ ہوا وارد وقت

ہیچ گاہے بہ سر شام غریباں کاغذ

کسی کا بھی نہ جواب آیا ہمیں غربت میں

لاکھ ہم لکھے وطن کو سوئے یاراں کاغذ

وصف افشاں کا ہے کس سیم بدن کے لکھنا

کاغذی ہم کو ہے درکار زر افشاں کاغذ

اس قدر ہم نے گراں کر دئیے لکھ لکھ کے کسے

ورنہ کس مرتبہ تھے شہر میں ارزاں کاغذ

لکھتے ہم تو خط محبوب کو ہر دم نو خط

لکھنے دیتے جو ہمیں دیدۂ گریاں کاغذ

مجھ سے دیوانہ کو کیا خط وہ پری زاد لکھے

لکھتے البتہ ہیں انساں سوئے انساں کاغذ

بھیجتا ہوں میں کسی رشک گلستاں کی طرف

میرا پہنچائے مگر مرغ گلستاں کاغذ

بھیجتا ہوں میں کسی ثانیٔ بلقیس کے صوب

میرا لے جائے مگر مرغ سلیماں کاغذ

کیا مگر بھول گئے باعث جمعیت خویش

ہم کو بھیجے نہ عدم سے جو عزیزاں کاغذ

کہتے ہیں نصف ملاقات ہے مکتوب بھی یار

کبھی لکھو تو سوئے ماتم نالاں کاغذ

ai dil-e-zar likho janib janan kaghaz

hal ka likhte hain fuqara su-e-sultan kaghaz

marjaa gabr-o-musalman hai wo but nam-e-khuda

bhejte hain use hindu-o-musalman kaghaz

un ka mazmun bhi albuta huwaida hoga

ab jo ane lage us shokh ko pinhan kaghaz

haif hai subh-e-watan se na hua warid waqt

hech gahe ba sar-e-sham-e-ghariban kaghaz

kisi ka bhi na jawab aya hamen ghurbat mein

lakh ham likhe watan ko su-e-yaran kaghaz

wasf afshan ka hai kis sim badan ke likhna

kaghzi ham ko hai darkar zar afshan kaghaz

is qadar ham ne giran kar diye likh likh ke kise

warna kis martaba the shahr mein arzan kaghaz

likhte ham to khat mahbub ko har dam nau khat

likhne dete jo hamen dida-e-giryan kaghaz

mujh se diwana ko kya khat wo pari zad likhe

likhte albuta hain insan su-e-insan kaghaz

bhejta hun main kisi rashk-e-gulistan ki taraf

mera pahunchae magar murgh-e-gulistan kaghaz

bhejta hun main kisi sani-e-balqais ke sob

mera le jae magar murgh-e-sulaiman kaghaz

kya magar bhul gae bais-e-jamiyyat khwesh

ham ko bheje na adam se jo azizan kaghaz

kahte hain nisf mulaqat hai maktub bhi yar

kabhi likho to su-e-matam nalan kaghaz