اے بدخشان نبیؐ کے لعل احمر السلام

اے بدخشان نبیؐ کے لعل احمر السلام

وے گلستان علی کے لالۂ تر السلام

ایک ساعت ہی میں امت پھر گئی نانا کی سب

کیا قیامت لائی تیرے سر کے اوپر السلام

بوند بھر پانی نہ دریا پر تجھے پینے دیا

اے تمناے دل ساقی کوثر السلام

سب کنارے لگ گئے تو بحر خوں میں غرق ہے

اے کنار مصطفےٰؐ کے نازپرور السلام

تو تو شاہ دیں تھا ایسا ہو کے بیکس کیوں موا

اب نہ تن پر سر ہے نے سر پر ہے افسر السلام

بات کو بے پردہ کہیے کس طرح اب تجھ سے ہائے

ہیں حرم کے لوگ سب محتاج چادر السلام

کیا ستم کشیاں بیاں تیری کرے دل خستہ میرؔ

نام تیرا سن کے آنکھیں ہوتی ہیں تر السلام

ai badakhshan nabi ke laal ahmar alssalam

we gulistan-e-ali ke lala-e-tar alssalam

ek saat hi mein ummat phir gai nana ki sab

kya qayamat lai tere sar ke upar alssalam

bund bhar pani na dariya par tujhe pine diya

ai tamanna-e-dil-e-saqi-e-kausar alssalam

sab kinare lag gae to bahr-e-khun mein gharq hai

ai kanar-e-mustafae ke nazparwar alssalam

tu to shah den tha aisa ho ke bekas kyun mua

ab na tan par sar hai ne sar par hai afsar alssalam

bat ko be parda kahiye kis tarah ab tujh se hae

hain haram ke log sab mohtaj-e-chadar alssalam

kya sitam kashiyan bayan teri kare dil khasta mir

nam tera sun ke ankhen hoti hain tar alssalam