اے تجلی کیا ہوا شیوہ تری تکرار کا

اے تجلی کیا ہوا شیوہ تری تکرار کا

مر گیا آخر کو یہ طالب ترے دیدار کا

کیا بنائے خانۂ عشاق بے بنیاد ہے

ڈھل گیا سر سے مرے سایہ تری دیوار کا

روز بہ ہوتا نظر آتا نہیں یہ زخم دل

دیکھیے کیا ہو خدا حافظ ہے اس بیمار کا

نو ملازم لعل لب کو لے گئے تنخواہ میں

بے طلب رہتا ہے یہ نوکر تری سرکار کا

دیکھ نئیں سکتا فغاںؔ شادی دل آفت طلب

یہ کہاں سے ہو گیا مالک مرے گھر بار کا

ai tajalli kya hua shewa tiri takrar ka

mar gaya akhir ko ye talib tire didar ka

kya banae khana-e-ushshaq be buniyad hai

dhal gaya sar se mire saya tiri diwar ka

roz ba hota nazar ata nahin ye zakhm-e-dil

dekhiye kya ho khuda hafiz hai is bimar ka

nau mulazim laal-e-lab ko le gae tankhwah mein

be talab rahta hai ye naukar tiri sarkar ka

dekh nain sakta fughan shadi dil afat talab

ye kahan se ho gaya malik mire ghar bar ka