اے رشک قمر آگے ترے شمس و قمر کیا

اے رشک قمر آگے ترے شمس و قمر کیا

سو جاں سے فدا ہوں میں یہ ہے جان و جگر کیا

اک آن میں دیتے ہو جلا عشق کے مارے

ان باتوں سے تھی عیسیٔ مریم کو خبر کیا

غیرت میں محبت میں مروت میں ترا مثل

پایا نہیں ہم نے کہیں اور ہوگا بشر کیا

دن بھر ہے تصور ہے مگر بات کو رونا

کرتے ہیں میاں دیکھیے یہ دیدۂ تر کیا

ہم تم ہیں دل و جاں سے اگر ایک ہی مرداںؔ

کہنے کو ہیں وہ ایک ہیں ہم دو ہیں مگر کیا

ai rashk-e-qamar age tire shams-o-qamar kya

so jan se fida hun main ye hai jan-o-jigar kya

ik an mein dete ho jala ishq ke mare

in baton se thi isa-e-maryam ko khabar kya

ghairat mein mohabbat mein murawwat mein tira misl

paya nahin ham ne kahin aur hoga bashar kya

din bhar hai tasawwur hai magar bat ko rona

karte hain miyan dekhiye ye dida-e-tar kya

ham tum hain dil-o-jan se agar ek hi mardan

kahne ko hain wo ek hain ham do hain magar kya