اے شیخ تیری پند و نصیحت سے کیا ہوا

اے شیخ تیری پند و نصیحت سے کیا ہوا

کمبخت چھوٹتا ہے کہیں دل لگا ہوا

شرم و حیا کو چھوڑیئے برقع اٹھائیے

کب تک رہے گا چاند گہن میں دیا ہوا

مانگا تھا بوسہ آپ سے لے تو نہیں لیا

برہم ہو کیوں بتائیے نقصان کیا ہوا

دعویٰ ہمارے دل پہ بتوں کو ہے کس لئے

کیا ان کے ہاتھ بیع ہوا یا ہبہ ہوا

بوسہ ضرور لیں گے کسی روز دیکھنا

لب پہ ہے ان کے دانت ہمارا لگا ہوا

او بت تری خدائی کا قصہ سناؤں گا

اللہ سے جو حشر کے دن سامنا ہوا

ہم نے نگاہ پھیر کے دیکھا جو غیر کو

کیفیؔ کے دل سے پوچھئے انجام کیا ہوا

ai shaikh teri pand-o-nasihat se kya hua

kambakht chhutta hai kahin dil laga hua

sharm-o-haya ko chhoriye burqaa uthaiye

kab tak rahega chand gahan mein diya hua

manga tha bosa ap se le to nahin liya

barham ho kyun bataiye nuqsan kya hua

daawa hamare dil pe buton ko hai kis liye

kya un ke hath bai hua ya hiba hua

bosa zarur lenge kisi roz dekhna

lab pe hai un ke dant hamara laga hua

o but tiri khudai ka qissa sunaunga

allah se jo hashr ke din samna hua

ham ne nigah pher ke dekha jo ghair ko

kaifi ke dil se puchhiye anjam kya hua