اے صنم طالب نہیں وہ خلد سے گلزار کا

اے صنم طالب نہیں وہ خلد سے گلزار کا

مبتلا کو چاہیے سایہ تری دیوار کا

میہماں ہے کوئی دم کا یا کوئی ساعت کا وہ

حال اب دیکھا نہیں جاتا ترے بیمار کا

خوب صورت گوہر خوش آب کی ہر اک لڑی

سلسلہ کیسا بندھا ہے آنسوؤں کے تار کا

گھر کیا ہے اے صنم اس میں تری تصویر نے

بند ہونا غیر ممکن دیدۂ دیدار کا

زندگانی کا مزا کیا کیا نہیں دکھلا گیا

اس مرے دل کے مکاں میں چھپ کے آنا یار کا

کیجیے نذر بتاں اب شوق سے ایمان و دل

کیا پہننا سہل سمجھا آپ نے زنار کا

کھول کر پر کیف آنکھیں دیکھتے ہیں وہ ادھر

لیجئے وہ کھل گیا اب خانۂ خمار کا

دیکھنے کو تاب کیا ہو طالب دیدار کا

نور سے شمس و قمر میں تیرے ہی رخسار کا

عاصیوں کے جرم کو وہ حشر میں افشا کرے

اے جمیلہؔ کام یہ ہرگز نہیں ہشیار کا

ai sanam talib nahin wo khuld se gulzar ka

mubtala ko chahiye saya tiri diwar ka

mehman hai koi dam ka ya koi saat ka wo

hal ab dekha nahin jata tire bimar ka

khub surat gauhar-e-khush ab ki har ik lari

silsila kaisa bandha hai ansuon ke tar ka

ghar kya hai ai sanam is mein tiri taswir ne

band hona ghair mumkin dida-e-didar ka

zindagani ka maza kya kya nahin dikhla gaya

is mire dil ke makan mein chhup ke ana yar ka

kijiye nazr-e-butan ab shauq se iman-o-dil

kya pahanna sahl samjha ap ne zunnar ka

khol kar pur kaif ankhen dekhte hain wo idhar

lijiye wo khul gaya ab khana-e-khumar ka

dekhne ko tab kya ho talib-e-didar ka

nur se shams-o-qamar mein tere hi rukhsar ka

asiyon ke jurm ko wo hashr mein ifsha kare

ai jamilahu kam ye hargiz nahin hushyar ka