اے شہ عالی مقام تجھ پہ درود و سلام

اے شہ عالی مقام تجھ پہ درود و سلام

بعد ہزاراں سلام تجھ پہ درود و سلام

اے شہ من الوداع وے مہ من الفراق

اے گل تر السلام تجھ پہ درود و سلام

آوے ہے بے اختیار صل علیٰ لب پہ ساتھ

لیتے ہیں جب تیرا نام تجھ پہ درود و سلام

راہرو راہ راست قطرہ زناں گریہ ناک

کہتے گئے گام گام تجھ پہ درود و سلام

بھیجتے ہیں صبح و شام بعد قعود و قیام

اہل مساجد تمام تجھ پہ درود و سلام

کیا کہے غیر از سکوت داور محشر اگر

چاہیں ترا انتقام تجھ پہ دورد و سلام

واہ رے اسلام و دیں سبط محمدؐ سے کیں

قتل بھی پھر قتل عام تجھ پہ درود و سلام

آہ لب آب سب تجھ پہ یہ رنج و تعب

جی سے گیا تشنہ کام تجھ پہ درود و سلام

کیا کہیں ہم یا امام دل کے تئیں تھام تھام

کہتے ہیں ہر صبح و شام تجھ پہ درود و سلام

حرف ہو کچھ تو کہیں تیرے تقدس کے بیچ

کہتے ہیں ہم لاکلام تجھ پہ درود و سلام

مردم پیشیں سے گر پیچھے ہے تیرا ظہور

پر تو ہے سب کا امام تجھ پہ درود و سلام

روکے ترے رنگ سے خوبی تھی اس باغ کی

اے گل خیرالانام تجھ پہ درود و سلام

جی سے گیا اپنے تو ہوکے کھڑا جس جگہ

واں تھا قیامت قیام تجھ پہ درود و سلام

اب کہے سو کیا کہے میرؔ زمانہ زدہ

روز و شب و صبح و شام تجھ پہ درود و سلام

ai shah-e-ali maqam tujh pe durud-o-salam

baad hazaran salam tujh pe durud-o-salam

ai shah-e-man alwida we mah-e-man alfiraq

ai gul-e-tar alssalam tujh pe durud-o-salam

awe hai be ikhtiyar sal-e-ali lab pe sath

lete hain jab tera nam tujh pe durud-o-salam

rahrau rah-e-rast qatra zanan girya nak

kahte gae gam gam tujh pe durud-o-salam

bhejte hain subh-o-sham baad qod-o-qayam

ahl-e-masajid tamam tujh pe durud-o-salam

kya kahe ghair az sukut-e-dawar-e-mahshar agar

chahen tira intiqam tujh pe dorad-o-salam

wah re islam-o-din sibt-e-mohammad se kin

qatl bhi phir qatl-e-am tujh pe durud-o-salam

ah lab-e-ab sab tujh pe ye ranj-o-taab

ji se gaya tishna kam tujh pe durud-o-salam

kya kahen ham ya imam dil ke tain tham tham

kahte hain har subh-o-sham tujh pe durud-o-salam

harf ho kuchh to kahin tere taqaddus ke bich

kahte hain ham lakalam tujh pe durud-o-salam

mardum-e-peshin se gar pichhe hai tera zuhur

par to hai sab ka imam tujh pe durud-o-salam

roke tire rang se khubi thi is bagh ki

ai gul kheralanam tujh pe durud-o-salam

ji se gaya apne to hoke khara jis jagah

wan tha qayamat qayam tujh pe durud-o-salam

ab kahe so kya kahe mir-e-zamana zada

roz-o-shab-o-subh-o-sham tujh pe durud-o-salam