اے ستم گر نہیں دیکھا جاتا

اے ستم گر نہیں دیکھا جاتا

زخم دل پر نہیں دیکھا جاتا

ہم سے زاہد کو برابر اپنے

لب کوثر نہیں دیکھا جاتا

دشت کی جس میں کوئی بات نہ ہو

ہم سے وہ گھر نہیں دیکھا جاتا

ہم نے دیکھا ہی نہیں جلوۂ یار

کہیں کیوں کر نہیں دیکھا جاتا

دیکھنا شوق شہادت میرا

مجھ سے خنجر نہیں دیکھا جاتا

طور پر دیکھنے جاتے ہیں کلیمؔ

دل کے اندر نہیں دیکھا جاتا

ai sitam gar nahin dekha jata

zakhm-e-dil par nahin dekha jata

ham se zahid ko barabar apne

lab-e-kausar nahin dekha jata

dasht ki jis mein koi bat na ho

ham se wo ghar nahin dekha jata

ham ne dekha hi nahin jalwa-e-yar

kahin kyun kar nahin dekha jata

dekhna shauq-e-shahadat mera

mujh se khanjar nahin dekha jata

tur par dekhne jate hain kalim

dil ke andar nahin dekha jata